Պատկերադարան → 2011 թ. արշավներ → Գեղարոտի ջրվեժ (քայլարշավ, 17 կմ)

Գեղարոտի ջրվեժ (քայլարշավ, 17 կմ)

Հուլիս ամսվա վերջին արշավի ուղղությունն Արագած լեռան լանջերին թաքնված լեռնային գեղեցկուհին էր՝ Գեղարոտի ջրվեժը: Այս ջրվեժի մասին հավանաբար քչերն են լսել, այնտեղ հասնելու համար երկար ու ձիգ ճանապարհ պետք է հաղթահարել: Այդ երկար ու ձիգ ճանապարհի հիմնական հատվածը մենք բեռնատարով անցանք, մեր ուրախ ու տպավորիչ բեռնատարով: Թե ինչպես 37 արշավականներով տեղավորվեցինք այդ մի բուռ բեռնատարում, հիմա արդեն չեմ պատկերացնում, բայց հիշում եմ, որ դեռ մի 10 հոգու տեղ էլ կար:

Մինչև բեռնատարով գյուղից դուրս եկանք, արդեն բոլորս էլ քիչ թե շատ թրջվել էինք, քանի որ գյուղացիներից շատերը մեզ հետ միակողմանի ջրոցի էին խաղում: Բեռնատարով գնացինք մոտ ժամուկես, ինչից հետո մեկնարկեց մեր քայլարշավը դեպի ջրվեժ: Ջրվեժը դեռ հեռվից է երևում, սակայն այն լիարժեք վայելելու համար հարկավոր է ընդհուպ մոտենալ: Նշեմ, որ նախքան Գեղարոտի մեծ ջրվեժին հասնելը նույն գետի վրա կա մեկ այլ՝ ավելի փոքր՝ Գեղարոտի փոքր ջրվեժը:

Քայլում էինք դաշտերով, քարերով՝ թռչելով ամենուր հանդիպող քչքչան առվակների վրայով: Ճանապարհի վերջնամասում մի փոքր ավելի մեծ թռիչքներով անցանք գետը և բարձրացանք ջրվեժի մոտ: Իսկ ջրվեժը խիստ վարար էր ու շռնդալից: Նույնիսկ +40 աստիճան շոգին նրա կողքը (էլ չեմ ասում՝ տակը) երկար կանգնելն ուղղակի անհնար է, քանի որ ջուրը սաստիկ սառն է: Լեռնային գեղեցկուհին իրոք որ հիացրեց ու ապշեցրեց բոլորիս: Արշավի մասնակիցներից շատերը նշեցին, որ Գեղարոտի ջրվեժն իրենց համար իսկական բացահայտում էր:

Ջրվեժի գեղեցկությունն ու սառնությունը մի լավ վայելելուց հետո երկար դադար տվեցինք ջրվեժից ոչ հեռու՝ գետափին մոտիկ: Մասնակիցները դժվարությամբ համաձայնեցին լքելու այս գեղեցիկ վայրը, սակայն առջևում երկար քայլարշավ ունեինք. բեռնատարով եկած ճանապարհը պետք է ոտքով վարադառնայինք: Մոտ 15 կմ քայլելուց հետո հասանք Արագած գյուղ, որտեղից էլ մեր առջև գեղեցիկ տեսարան բացվեց՝ Արագած լեռան՝ մայրամուտի լույսերով զարդարված արևելյան և հյուսիսային գագաթների համայնապատկերը:

Ավարտվեց նոր տպավորություններով ու ծանոթություններով հագեցած ևս մեկ գեղեցիկ օր, որը նման չէր ու չի լինի մեկ ուրիշ օրվա:

Լուսանկարները՝ Տիգրան Շահբազյանի և Էդգար Հարությունյանի:

Գեղարոտի ջրվեժ (քայլարշավ, 17 կմ) 31.07.2011թ. Արագած գյուղում մեզ առաջինը դիմավորեցին այս պապիկն...	Գեղարոտի ջրվեժ (քայլարշավ, 17 կմ) 31.07.2011թ. ...ու այս տատիկը	Գեղարոտի ջրվեժ (քայլարշավ, 17 կմ) 31.07.2011թ.	Գեղարոտի ջրվեժ (քայլարշավ, 17 կմ) 31.07.2011թ. Մի դրվագ Վարդավառից
Գեղարոտի ջրվեժ (քայլարշավ, 17 կմ) 31.07.2011թ. Մեր ուրախ բեռնատարը	Գեղարոտի ջրվեժ (քայլարշավ, 17 կմ) 31.07.2011թ. Հասանք տեղ	Գեղարոտի ջրվեժ (քայլարշավ, 17 կմ) 31.07.2011թ. Իջնում ենք բեռնատարից	Գեղարոտի ջրվեժ (քայլարշավ, 17 կմ) 31.07.2011թ.
Գեղարոտի ջրվեժ (քայլարշավ, 17 կմ) 31.07.2011թ. Գոռը	Գեղարոտի ջրվեժ (քայլարշավ, 17 կմ) 31.07.2011թ. Քայլարշավի մեկնարկը	Գեղարոտի ջրվեժ (քայլարշավ, 17 կմ) 31.07.2011թ.	Գեղարոտի ջրվեժ (քայլարշավ, 17 կմ) 31.07.2011թ. Գեղարոտի փոքր ջրվեժը
Գեղարոտի ջրվեժ (քայլարշավ, 17 կմ) 31.07.2011թ. Գեղարոտ գետը	Գեղարոտի ջրվեժ (քայլարշավ, 17 կմ) 31.07.2011թ.	Գեղարոտի ջրվեժ (քայլարշավ, 17 կմ) 31.07.2011թ.	Գեղարոտի ջրվեժ (քայլարշավ, 17 կմ) 31.07.2011թ. Ջրվեժն ու արշավականը
Գեղարոտի ջրվեժ (քայլարշավ, 17 կմ) 31.07.2011թ. Սահուն քայլերով մոտենում ենք ջրվեժին	Գեղարոտի ջրվեժ (քայլարշավ, 17 կմ) 31.07.2011թ. Գեղարոտի ջրվեժը գտնվում է Արագած լեռան հարավային և արևելյան գագաթներն իրար կապող գոգավորության կենտրոնում	Գեղարոտի ջրվեժ (քայլարշավ, 17 կմ) 31.07.2011թ. Նունեն ու Մարիամը	Գեղարոտի ջրվեժ (քայլարշավ, 17 կմ) 31.07.2011թ. Մեր հնդիկ ընկերը՝ Souvik-ը
Գեղարոտի ջրվեժ (քայլարշավ, 17 կմ) 31.07.2011թ. Վստահի՛ր ուժերիդ, հավատա՛ ծարավիդ...	Գեղարոտի ջրվեժ (քայլարշավ, 17 կմ) 31.07.2011թ.	Գեղարոտի ջրվեժ (քայլարշավ, 17 կմ) 31.07.2011թ. Անցնում ենք մյուս ափ՝ ջրվեժին մոտենալու համար	Գեղարոտի ջրվեժ (քայլարշավ, 17 կմ) 31.07.2011թ. Բարձրանում ենք ջրվեժի մոտ
Գեղարոտի ջրվեժ (քայլարշավ, 17 կմ) 31.07.2011թ. Խռովահույզ ջրվեժն ու մտասույզ Մարինան	Գեղարոտի ջրվեժ (քայլարշավ, 17 կմ) 31.07.2011թ. Ա՜յ քեզ ջրահարս...	Գեղարոտի ջրվեժ (քայլարշավ, 17 կմ) 31.07.2011թ. Տարերք	Գեղարոտի ջրվեժ (քայլարշավ, 17 կմ) 31.07.2011թ.
Գեղարոտի ջրվեժ (քայլարշավ, 17 կմ) 31.07.2011թ. Մի կերպ հավաքվեցինք իրար գլխի. ոչ ոք չէր ուզում հեռանալ այստեղից	Գեղարոտի ջրվեժ (քայլարշավ, 17 կմ) 31.07.2011թ. Բայց ստիպված էինք վերադառնալ	Գեղարոտի ջրվեժ (քայլարշավ, 17 կմ) 31.07.2011թ. Իսկ այստեղ մի հրաշալի աղբյուր կա, որի ջուրը ոչ թե ձնհալից է առաջանում, այլ բխում է գետնի տակից	Գեղարոտի ջրվեժ (քայլարշավ, 17 կմ) 31.07.2011թ.
Գեղարոտի ջրվեժ (քայլարշավ, 17 կմ) 31.07.2011թ. Խմբակային գետանցում	Գեղարոտի ջրվեժ (քայլարշավ, 17 կմ) 31.07.2011թ. Գետանցում	Գեղարոտի ջրվեժ (քայլարշավ, 17 կմ) 31.07.2011թ.	Գեղարոտի ջրվեժ (քայլարշավ, 17 կմ) 31.07.2011թ. Արագած լեռան արևելյան և հյուսիսային գագաթները Արագած գյուղից