|
Մոսկվայի Կրեմլի զինապալատում է գտնվում «Ալմաստե գահը», որը պատրաստել են Նոր Ջուղայի հայ վարպետները: Այն Սպահանից Մոսկվա եկած հայ վաճառական Զաքար Սահրատյանը 1660 թ. նվիրել է Ալեքսեյ Միխայլովիչ ցարին: Գահի պատրաստման համար օգտագործվել են 897 տարբեր չափսի ալմաստ, 1298 մարգարիտ, մեղեսիկ (ամետիստ), շափյուղա, տպազիոն, հակինթ, 1830 նիշապուրի փիրուզ, ոսկի, արծաթ: «Ալմաստե գահը» աշխարհին հայտնի ընտիր գահերից մեկն է:
|
|
|
Հայոց հողի հրաշալիքները → Արցախ → Ղազանչեցոց Շուշիի Ղազանչեցոց Ս. Ամենափրկիչ եկեղեցի
Շուշիի Ղազանչեցոց Ս. Ամենափրկիչ եկեղեցին գտնվում է ԼՂՀ Շուշի քաղաքի
կենտրոնում: Կառուցվել է 1868-1887-ին, փոքր միանավ եկեղեցու տեղում, Նախիջևանի
Ղազանչի (Շահկերտ) գյուղից Շուշի գաղթած բնակիչների
միջոցներով, ճարտարապետ Սիմեոն Տեր-Հակոբյանի նախագծով: Օծվել է 1888-ի սեպտեմբերի
20-ին: Սրբատաշ կաթնագույն կրաքարով կառուցված Շուշիի Ղազանչեցոց Ս. Ամենափրկիչ եկեղեցին հայկական ամենախոշոր
եկեղեցիներից է (35 մ երկարությամբ, 23 մ լայնությամբ և 35 մ բարձրությամբ): Նրա արտաքուստ խաչաձև, չորս մույթերի վրա դրված բարձր գմբեթով
ծավալատարածական հորինվածքում ակնհայտ է Էջմիածնի Մայր տաճարին նմանեցնելու
ձգտումը: Եկեղեցում պահվել է ս. Գրիգորիսի Աջը: Դեպի արևմուտք շուշեցի բարերար Ա.
Խանդամիրյանցի կառուցած եռահարկ զանգակատունն է, որի 2-րդ հարկի չորս
անկյուններում հրեշտակների մեծադիր արձաններ են դրվել:
Եկեղեցին գործել է մինչև 1930-ը, մասամբ նորոգվել է 1981-1988-ին`
վերականգնող վարպետ Վ. Բաբայանի ջանքերով: 1988-ին Շուշիից հայերին արտաքսելուց
հետո ադրբեջանցիները ջարդել են զանգակատան հրեշտակների արձանները և եկեղեցին
վերածել զինապահեստի: 1992-ի մայիսի 8-ին Շուշիի ազատագրումից հետո շարունակվել է
եկեղեցու և զանգակատան նորոգումը, որն ավարտվել է 1998-ին: Շուշիի Ղազանչեցոց Ս. Ամենափրկիչ եկեղեցին վերաբացվել և մեծ
հանդիսությամբ օծվել է 1998-ի հուլիսի 19-ին` Քրիստոսի Պայծառակերպության օրը:
|
|
|
Վարդան պապիկի տանը (լուսանկարը՝ Ռոման Իսակովի, 6.05.2012)
Վարդան պապիկի տանը (լուսանկարը՝ Ռոման Իսակովի, 6.05.2012)
|
|
